Në fillim të këtij viti, reperi Kanye West hoqi të gjithë dhëmbët dhe i zëvendësoi me proteza titani.
Reperi shpenzoi rreth 850 mijë dollarë (785 mijë euro) për atë operacion dentar. Së fundmi ai ka qenë i ftuar në një emision, ku mes të tjerash në një moment ka qeshur.
Kanye e gjeti frymëzimin për pamjen e re në personazhin “Jaws” nga filmat e James Bond, të luajtur nga aktori Richard Kiel. Personazhi njihet për gjatësinë 2.18m dhe dhëmbët e tij metalikë.
Kujtojmë se West, i cili ndryshoi emrin e tij në Ye, u martua me Bianca Censori, një arkitekte në kompaninë e tij “Yeezy”, në dhjetor 2022, më pak se një muaj pasi u finalizua divorci i tij nga Kim Kardashian.
Atë vit, West humbi një sërë marrëveshjesh partneriteti me “Adidas” dhe të tjerët, pas një sërë komentesh antisemite, duke përfshirë se hebrenjtë “po përpiqeshin të merrnin këdo që kundërshtonte axhendën e tyre”.
Megjithatë, këtë vit ai përjetoi një rilindje në karrierë pas publikimit të albumit Vultures dhe bashkëpunimit me këngëtarin Ty Dolla $ign. Albumi kryesoi listat amerikane dhe solli hitin global “Carnival”, i cili ishte gjithashtu numri një në SHBA.
Në dhjetor 2023, West kërkoi falje për komentet antisemite, duke shkruar në hebraisht në rrjetet sociale: “Më vjen thellësisht keq për çdo dhimbje që mund të kem shkaktuar… Jam i përkushtuar të riparoj dëmin dhe të promovoj unitetin”.