Jori Delli ka qenë padiskutim një nga personazhet më të përfolur të ‘BBV 2’ edhe pse qëndrimi i saj si banore në shtëpinë më të famshme në Shqipëri zgjati shumë pak. Jo vetëm për hiret e saj trupore, por dhe për lojën gjatë pjesëmarrjes së saj në spektakël, bukuroshja arriti të bëhet kryefjalë e mediave. Jo vetëm brenda shtëpisë së ‘BBV’, por dhe jashtë saj u përfol mjaft.
Edhe pse disa muaj më parë Jori u zhvendos për të jetuar në Shqipëri, tashmë pak kohë pas lidhjes me të dashurin e saj, reperin italian Fred De Palma, Jori ka treguar se përsëri është zhvendosur në Itali për të bashkëjetuar me reperin. Tashmë festat e fundvitit po afrojnë dhe shumë prej nesh e kanë sjellë atmosferën e festave në shtëpi e së fundmi edhe Jori me Fred kanë vendosur pemën e Krishtlindjes në shtëpinë e tyre të re dhe kanë postuar një video teksa vendosin zbukurimet.