Liverpool është i interesuar për të nënshkruar me mesfushorin e Chelseas, Conor Callagher.
Trajneri Jurgen Klopp ka kërkuar nga bordi që të përforcohet me patjetër mesfusha në afatin kalimtar veror, duke marrë parasysh sezonin e vështirë të “Reds”.
Ylli i Borussia Dortmundit, Jude Bellingham është prioritet për Liverpoolin pranë Mason Mount të Chelseas.
Sidoqoftë, “The Independent” raporton se “Reds” tani po e vëzhgojnë nga afër edhe lojtarin tjetër të “Bluve”, Callagher, i cili vlerësohet lartë nga Klopp.
Klopp e pëlqen tejet shumë energjinë e Gallahger që mund të jetë e nevojshme për skuadrën dhe beson se anglezi do të ngrihet në tjetër nivel nëse kalon në “Anfield”.
Një lëvizje e tillë mund të jetë e mundur pasi Chelsea është e detyruar të shesë disa futbollistë shkaku i rregullave financiare.
Chelsea ka shpenzuar 500 milionë funte vetëm në dy afatet e fundit kalimtare, prandaj edhe Potter e ka pranuar se disa lojtarë do të largohen në verë.
Gallagher ka bërë 33 paraqitje për Chelsean këtë edicion, mirëpo në 21 prej tyre ka qenë vetëm zëvendësues ndërsa ka kontratë deri më 2025.