Franca ka avancuar në çerekfinale të Kampionatit Evropian “Euro 2024”, duke eliminuar Belgjikën.
Francezët triumfuan me rezultat minimal 1:0, sfidë që ishte e hapur nga minuta e parë.
Pjesa e parë përfundoi ashtu siç nisi ngase asnjëra nga skuadrat s’arritën t’i finalizonin aksionet. Franca rrezikoi me Thuram e Tchouameni derisa Belgjika kishte një mundësi përmes De Bruyne.
Megjithatë, në pjesën e dytë, loja ishte shumë më e hapur. Franca ishte më kërkuese duke pasur tre raste të njëpasnjëshme që assesi s’i konkretizuan.
Belgjika pastaj mori lojën në “dorë” duke rrezikuar me Carrascon e Lukakun. Kur belgët po sulmonin, Franca zhvilloi një aksion të bukur me N’Golo Kanten që pasoi te Randal Kolo Muani, i cili goditi nga afërsia por topi u devijua nga Vertonghen dhe përfundoi brenda rrjetës.
Ky gol rezultoi të jetë i mjaftueshëm për Francën që ta sigurojë avancimin tutje, ku do ta presë fituesin e përballjes tjetër, mes Portugalisë dhe Sllovenisë që do të nisë në ora 21:00. /Nacionale/