Lajme

Ismaili: Koha kur pushteti mund të mbys debatin publik dhe të kontrollojë narrativën ka kaluar

By GAZETA SCANNER

January 08, 2025

Kandidatja për deputete nga radhët e PDK-së, Besa Ismaili, ka reaguar pas raportimeve  se Vetëvendosje ka vendosur t’i bojkotojë debatet televizive në tri televizionet kryesore.

Ismaili ka shkruar në Facebook se ka kaluar koha kur pushteti mund të mbys debatin publik dhe të kontrollojë narrativën ka kaluar

“Pushteti i Albin Kurtit dhe vartësitë e tij mbase me të drejtë ndjehen të kërcënuar nga pyetjet kritike ose ekspozimi i të vërtetave për ta në medie. Por epoka e kontrollit të narrativës nga ana e pushtetit është e tejkaluar për kohën në të cilën jetojmë sot. Krejt çfarë ky bojkot arrin është të dëshmojë se pushteti ka krizë të besueshmërisë dhe shumëçka për të fshehur nga syri publik i qytetarit”, ka shkruar Ismaili.