Avdullah Hoti, deputet nga Lidhja Demokratike të Kosovës, ka thënë se asnjë problem në buxhetin e shtetit nuk shkaktohet nga plotësimi i kërkesës së SBASHK-ut në lidhje me dhënien e 100 eurove në muaj deri në miratimin e Ligjit të Pagave.
Kështu ka thënë Hoti përmes një postimi në Facebook, ku ka shtuar se bilanci bankar i Qeverisë është rekord i lartë, rreth 600 mil euro në korrik, për shkak të mosrealizimit të projekteve kapitale dhe rritjes së të hyrave tatimore nga inflacioni i lartë, shkruan lajmi.net.
“SBASHK-u e ka vetëm një kërkesë që ka implikime financaire: 100 euro në muaj deri në miratimin e “Ligjit të Pagave”. Asnjë problem në buxhetin e shtetit nuk shkaktohet nga plotësimi i kësaj kërkese. Bilanci bankar i Qeverisë është rekord i lartë, rreth 600 mil euro në korrik, për shkak të: (1) mosrealizimit të projekteve kapitale dhe (2) rritjes së të hyrave tatimore nga inflacioni i lartë”, ka thënë Hoti.
Postimi i plotë:
SBASHK-u e ka vetëm një kërkesë që ka implikime financaire: 100 euro në muaj deri në miratimin e “Ligjit të Pagave”.
Në arsimin parauniversitar janë të punësuar 28,834 persona:
- 23,033 mësimdhënës parauniversitar,
- 3,276 personel ndihmës,
- 919 personel edukativ në çerdhe,
- 1,606 staf adminsitrativ.
Rrjedhimisht:
28,834 të punësuar x 100 Euro në muaj = 2.9 mil Euro në muaj.
Asnjë problem në buxhetin e shtetit nuk shkaktohet nga plotësimi i kësaj kërkese. Bilanci bankar i Qeverisë është rekord i lartë, rreth 600 mil euro në korrik, për shkak të: (1) mosrealizimit të projekteve kapitale dhe (2) rritjes së të hyrave tatimore nga inflacioni i lartë.
Për më tepër, Qeveria ka ndarë rreth 6 milionë euro për të paguar punëtorët e larguar nga puna në Telekomin e Kosovës.
