Kryeministri i Shqipërisë, Edi Rama tashmë e tha hapur edhe në OKB se synon që ta shtyjë përpara idenë e krijimit të një entiteti të pavaruar e sovran brenda territorit të Tiranës, ngjashëm sikurse Vatikani në Romë. Veçse shtet Bektashi.
Analisti politik, Blerim Latifi e ka quajtur donkishot kryeministrin Rama, duke cituar Kadarenë, “Përfundimisht Kadare kishte të drejtë kur Ballkanin e quante një zonë që prodhon donkishotë për metër katror më shumë se çdo vend tjetër i botës”.
E plotë:
A ju kujtohet kryetari i nderuar i Suharekës Bali Muharremaj kur mundohej me një rrametë dushku me i shu flakët që kishin përfshi komunën e tij?
Kështu edhe kryeministri Rama me një gotë ujë nga tryeza modeste shpirtërore e Bektashizmit shqiptar, po do t’ia mësyj për t’i shuar flakët gjigante të ekstremizmit fetar në botë.
Përfundimisht Kadare kishte të drejtë kur Ballkanin e quante një zonë që prodhon donkishotë për metër katror më shumë se çdo vend tjetër i botës