Lajme

Ibërdemaj pas shkarkimit: Vendim tendencion, telenovelë e përgatitur për disa muaj me radhë

Drejtori i shkarkuar i Qendrës Korrektuese për të Mitur në Lipjan, Isuf Ibërdemaj, në “Edicionin Special” në Klan Kosova ka folur në lidhje me vendimin për shkarkimin e tij.

Ai këtë e quajti vendim tendencion dhe tha se është përgatitur për muaj me radhë.

“Është bërë praktikë demode për ta lidhur gjithçka me politikë, unë nuk kam prirje të tillë. Por, sidoqoftë endimi është jashtëzakonisht tendencion edhe kjo telenovelë është përgatitur për disa muaj rresht”, u shpreh Ibërdemaj.

Ai tha ky vendim lidhet me rastin e përcjelljes së një të burgosuri për në Prokurorinë Themelore në Prishtinë.

“Bëhet fjalë për një të përcjelluri të burgosurit për në Prokurorinë Themelore në Prishtinë, me urdhër të prokurorit dhe kjo është e tëra që aktualisht mund të them”, tha ai.

Tutje, Ibërdemaj tha se vendimin për shkarkimin e tij e ka marrë me shumë sportivitet.

“Unë e kam marrë me shumë sportivitet këtë punë, por edhe me keqardhje, sepse ky vendim i ka lënduar disa kolegë të mi nga shërbimi korrektues, gjithashtu e kam marrë me sportivitet sepse e di se me asnjë veprim nuk e kam “korit” as shërbimin korrektues dhe as kolegët e mi”, u shpreh ai.