Enver Hoxhaj, nënkryetar i Kuvendit të Kosovës nga radhët e PDK-së, ka folur në lidhje me qeverisjen e kryeministrit Albin Kurti.
Në një intervistë në A2 CNN të Shqipërisë, Hoxhaj ka treguar se cili është, sipas tij, dështimi më i madh i Qeverisë Kurti.
“Dëmi më i madh që qeveria Kurti i ka shkaktuar Kosovës është dështimi për të përmbyllur dialogun me administratën Biden, duke humbur kështu një mundësi historike. Mënyra më e mirë për të ndëshkuar Serbinë për agresionin e 24 shtatorit është anëtarësimi i Kosovës në NATO, që do të përbënte prioritetin më të lartë” – u shpreh Hoxhaj.