Deputetja e PDK-së, Eliza Hoxha, ka folur edhe për vendimin e MINT për pezullimin e licencës së biznesit të Klan Kosovës.
Ajo tha se ky është veprim i paprecedent që përbën akt autoritar.
“Ky veprim i paprecedent, përbën një akt autoritar që ndodhë në një shoqëri demokratike, dhe shpërfaq zellin e madh që ka Albin Kurti dhe qeveria e tij kundër mediave dhe fjalës së lirë. Me këtë veprim, kryeministri Albin ia ka vënë një njollë të errët Republikës së Kosovës dhe rendit tonë demokratik, të cilin e kemi aspiruar dhe e duam në mesin tonë”, tha Hoxha.