Ambasadori i Shteteve të Bashkuara të Amerikës në Prishtinë, Jeff Hovenier ka shoqëruar sot shefen e USAID, Samanta Power, në takimin që zyrtarja e lartë amerikane ka pasur me presidenten e Kosovës, Vjosa Osmani.
Hovenier thotë se në këtë takim është diskutuar për përkushtimin e palëkundur të Qeverisë amerikane në përkrahje të integrimit euroatlantik të Kosovës dhe mbështetjen e Washingtonit për procesin e dialogut të lehtësuar nga Bashkimi Evropian.
Sot iu bashkova Samanta Power në takim me presidenten Vjosa Osmani. Diskutuar për përkushtimin e palëkundur të Qeverisë amerikane për mbështetjen e Kosovës në integrimin euro-atlantik dhe përkrahjen për dialogun e lehtësuar nga Bashkimi Evropian”, ka shkruar Hovenier.
Today I joined @PowerUSAID in meeting @VjosaOsmaniPRKS. Discussed the U.S. Government’s steadfast commitment to supporting Kosovo’s Euro-Atlantic integration and our support of the EU-facilitated Dialogue. pic.twitter.com/lUYItKKMXq
— Ambassador Jeff Hovenier (@USAmbKosovo) May 13, 2023
Dje Power pas takimit që ka pasur me kryeministrin Kurti ka theksuar se në këtë vizitë në Kosovë sjell mesazhin e presidentit Joe Biden për krijimin e Asociacionit. Ajo gjithashtu ka theksuar se qëndrimi i SHBA-së vazhdon të jetë se dialogu duhet të finalizohet me njohje reciproke.