Deputeti i Lidhjes Demokratike të Kosovës Avdullah Hoti, i ka bërë disa kritika në adresë të Qeverisë së udhëhequr nga Albin Kurti.
Hoti tha se kjo formë e qeverisjes duhet të ndërpritet me votë demokratike.
Ai i renditi disa nga ankesat që i paraqiti.
“Përmbyllja e këtij mandati qeverisës i gjen familjet në përballje me çmime të larta, paga të ulëta, mungesë të investimeve nga Qeveria dhe ikje masive të të rinjve. Ankesat kryesore lidhen me: 1. Çmimet e larta në artikujt e përditshëm, 2. Rritjen e tatimit në pronë, 3. Rritjen e çmimit të energjisë”.
“Derisa rritja e çmimit të artikujve është ndikuar nga kriza globale, rritja e tatimit në pronë dhe e çmimit të energjisë është bërë me vendime të qeverisë dhe institucioneve vartëse”, theksoi ai.
Deputeti i LDK-së takoi strukturat e nëndegëve të bashkësive lokale në Qifllak dhe Kramovik.