Haxhiu: Reflektimi i deputetëve për Trustin është i domosdoshëm në këtë kohë krize dhe inflacioni

Deputeti i Partisë Demokratike të Kosovës (PDK), Bekim Haxhiu, ka reaguar pas kalimit të Trustit në Komisionin për Buxhet dhe Transfere.

Me këtë rast, ai ka thënë se është e domosdoshme që deputetët ta votojnë Trustin edhe në seancë plenare.

“Në mbledhjen e sotme te Komisionit Parlamentar për Buxhet dhe Transfere kaloi nisma legjislative për Trustin. Së shpejti kjo nismë do të votohet edhe në Kuvend ku qytetarët presin votën pro. Reflektimi i deputetëve për këtë çështje është i domosdoshëm në këtë kohë krize dhe inflacioni”, ka shkruar Haxhiu në “Facebook”.