Kryetari i Mitrovicës, Bedri Hamza, ka njoftuar për festivalet e shumta që po organizohen në këtë qytet.
Ai ka bërë me dije se Mitrovica është bërë epiqendër e festivaleve dhe aktiviteteve kulturore.
Në profilin e tij në “Facebook”, Hamza ka shkruar se vazhdimisht ka përkrahur ngjarje të tilla.
“Mitrovica është bërë epiqendër e festivaleve dhe aktiviteteve kulturore. Mbrëmë ka nisur “Mitrovica International Jazz Days”, që edhe sot e nesër sjell në qytetin tonë personalitete të shquara, ambasadorë e dashamirë të artit dhe kulturës. Qeverisja ime i ka përkrahur vazhdimisht ngjarjet e tilla, të cilat promovojnë talente të reja dhe i japin një imazh tjetër Mitrovicës. E uroj edhe Rona Nishliun për përzgjedhjen e qëlluar të programit dhe performuesve. Me punë të pandalshme, me fuqinë e artit, kulturës e sportit, ne e kemi ndërtuar identitetin dhe kulturën e mirëkuptimit!”, ka shkruar Hamza.