Futbollisti holandez, Quincy Promes, është dënuar me gjashtë vjet burgim pasi supozohet që i ka kontrabanduar një mijë e 350 kilogramë kokainë.
Prokuroria kërkonte burg prej nëntë vjetësh, mirëpo atij i janë dhënë gjashtë vjet prapa grilave, sipas Voetbal International.
Lojtari luan aktualisht te Spartaku i Moskë dhe nuk ka qenë i pranishëm në seancën gjyqësore që u mbajt në Holandë.
Kontrabandimi i drogës dyshohet të ketë ndodhur në janar të vitit 2020, gjatë kohës që ai luante te Ajaksi i Amsterdamit.
Rusia nuk ka marrëveshje ekstradimi me Holandën, e që do të thotë që Promesi mund ta vazhdojë karrierën e tij me Spartakun nëse thjesht refuzon që të kthehet në vendlindje.