Deputetja e LVV-së, Fitore Pacolli, ka thënë sot se ata që ia morën jetën Astritit tonë duhet të dalin para drejtësisë, shkruan Scanner.
Deklarimet e saj vijnë pasi gjykata shpalli të pafajshëm aktivistët e VV-së që u arrestuan për sulm ndaj Kuvendit të Kosovës janë të pafajshëm.
“Ata që e planifikuan sulmin, ata që e ekzekutuan atë, ata që dhanë urdhër e arrestuan aktivistët dhe ata që ia morën jetën Astritit tonë duhet të dalin para drejtësisë”, shkruan ajo, transmeton Scanner.
Postimi i plotë:
Sot përfundimisht u vërtetua se aktivistët që u arrestuan për sulm ndaj Kuvendit të Kosovës janë të pafajshëm.
Ata që vërtetë e kryen sulmin, që për qëllim kishin ta eliminonin Lëvizjen Vetëvendosje nga skena politike, nuk u arrestuan asnjëherë. E askush akoma nuk dha përgjegjësi.
Ata që e planifikuan sulmin, ata që e ekzekutuan atë, ata që dhanë urdhër e arrestuan aktivistët dhe ata që ia morën jetën Astritit tonë duhet të dalin para drejtësisë.
