Lille ka shënuar fitore të lehtë 3:0 në shtëpi ndaj Lorient në kuadër të javës së 18-të në Ligue 1.
David dhe Cabella shënuan golat e parë për vendasit, shkruan Gazeta Express.
E ylli kosovar, Edon Zhegrova shënoi një gol të bukur në stilin e tij në minutën e tretë shtesë për epilogun e këtij takimi.
Pas ndeshjes, Zhegrova tha se ambiciet e klubit të tij janë të larta dhe se duan të luajnë në Ligën e Kampionëve edicionin e ardhshëm.
“Të kualifikohemi në Ligën e Kampionëve? Sigurisht që ambiciet tona janë të larta. Duhet të jemi në krye të renditjes, duam të luajmë në Champions League sezonin e ardhshëm”, tha Zhegrova në Prime Video.