Botë

Evropa do të përballet me stuhi të fuqishme, shi, erë dhe reshje bore

Evropa do të përballet brenda disa ditësh me stuhi te fuqishme dëbore, parashikon BBC.

Sipas gjigandit mediatik, kontinenti i vjetër do të bëhet pre e një “cikloni intensiv”, që do të përplasë mbi të reshje të furishme shiu dhe dëborë.

Më të goditurat pritet të jenë rajonet rreth Alpeve, ku brenda 6 orësh mund të bjerë deri në 30 cm borë.

Erëra të forta dhe shira të dendur parashikohen sidomos në Spanjë, në veriun e Francës dhe në Gjermani, por acarin do ta ndiejnë fort edhe Irlanda, Britania e Madhe e Skandinavia.

Përkeqësimi i motit nuk do të kursejë Evropën Qendrore, por ai do të zbresë edhe më poshtë, siç njofton BBC që thotë se kushtet e rënduara atmosferike mund të sjellin paralajmërime për përmbytje në Greqi.

Por ndërsa Evropa përgatitet për një dimër të acartë, Australia mund të përfshihet nga një valë e madhe të nxehtit. Duka filluar nga dita e mërkurë, temperaturat llogaritet të kapërcejnë 40 gradët celsius.

Rekordi më i madh i nxehtësisë në vend është shënuar në 2 janar 1940 në jug të Australisë, ku termometri shënoi 50.7 gradë celsius.

Në perëndim të Australisë, temperaturat gjatë fundjavës kanë arritur në 41 gradë celsius.