Këngëtarja shqiptare, Elsa Lila, ishte e ftuar së fundmi në emisionin “Ftesë në 5” të Top Channel, ku dha një intervistë emocionuese dhe të sinqertë.
Në bisedën e saj me moderatoren Bieta Sulo, Elsa u shpreh për shumë çështje personale dhe ndjesitë e saj të brendshme. Kur Bieta e pyeti nëse ishte në një lidhje dashurie apo single, Elsa e pranoi me sinqeritet se është single, duke ndarë edhe mendime të thella për jetën dhe përvojat e saj.
Disa nga momentet më të rëndësishme të intervistës:
Cili është motivi që të ka dhënë më shumë forcë për të ecur përpara? Elsa Lila: “Meraku dhe forca ime më e madhe ka qenë vajza ime. Jam një person i brishtë nga brenda, por jeta më ka mësuar të ndërtoj një mburojë të fortë nga jashtë.”
Nëse do falenderoje diçka për forcën tënde, çfarë do ishte? Elsa Lila: “Lotin. Falë lotëve, ne kuptojmë çfarë është lumturia.”
Dashuria jote më e madhe është…? Elsa Lila: “Jeta! Sepse brenda saj gjendet gjithçka. Unë dashuroj jetën.”
Si ndihesh kur kthehesh në Shqipëri? Elsa Lila: “Më mbush me mall për tokën time.”
Si u ndjeve kur pe disa nga komentet negative për ty? Elsa Lila: “Ishte e vështirë kur lexova komente të tilla, por i fal mëshirë atyre që shkruajnë pa u ndalur të kuptojnë të vërtetën.”
A do e riktheje një dashuri të humbur? Elsa Lila: “Jo! Kur një ndjenjë ka përfunduar, është më mirë të mbetet aty.”
A je single apo në çift? Elsa Lila: “Single!”