Deputeti i Vetëvendosjes, Enver Dugolli ka thënë se presidentin serb, Aleksandar Vuçiq e ka bërë nervoz profesionalizmi i Policisë së Kosovës, në aksionin e sotëm në Banjskë të Zveçanit.
Kjo sepse sipas Dugollit, Vuçiq ka pritur që Policia të bëjë një aksion hakmarrës dhe të pa kontrolluar.
“Ajo që e nervozon shumë Vuçiqin është profesionalizmi i Policisë së Kosovës. Kjo e nervozon shumë, sepse ai ka pritë që vërtetë të ketë njëfarë aksioni hakmarrës, përpara edhe të ketë aksion të pa kontrolluar. Dhe ajo nuk ndodhi, por këto janë favore të të drejtës tonë”, tha Dugolli në Teve1.
Ndryshe, tre pjesëtarë të grupit që sulmoi dhe vrau një policë të Kosovës në orët e mëngjesit në Banjskë të Zveçanit, janë vrarë nga Policia e Kosovës.