Parlamenti i Hungarisë ka aprovuar më në fund me votë anëtarësimin e Suedisë në NATO dy vite pasi Suedisa aplikoi për anëtarësim në Aleancën e Atlantikut të Veriut (NATO) pas agresioni ustarak të Federatës Ruse në Ukrainë, raportoi The Guardian.
“Votimi, i cili u zhvillua në Budapest të hënën, pasoi takimin e së premtes midis kryeministrit suedez, Ulf Kristersson, dhe homologut të tij hungarez, Viktor Orbán, në të cilin ata ranë dakord të linin mënjanë mosmarrëveshjet e tyre – duke thënë se ishin ‘të përgatitur të vdisnin për njëri tjetrin’”, raportoi media britanike.
Suedia aplikoi për t’u bashkuar me NATO-n në maj 2022, në të njëjtën kohë me Finlandën, në një ndryshim historik në politikën e saj të sigurisë, i shkaktuar nga pushtimi i Rusisë në Ukrainë në atë shkurt. Vonesat kanë çuar në zhgënjim midis anëtarëve të aleancës me Orbanin, një nacionalist i djathtë që ka krijuar lidhje të ngushta me Rusinë.