Një intervistë e pazakontë me dhjetë pyetje dhe dhjetë pergjegje me Jonida Vokshi, moderatorën e popullarizuar nga programi VIP Big Brother Kosova, botuar fillimisht nga podkasti Suzanne, qe emetohet edhe në T7.
Kemi qejf të kalojmë kohë me Jonidën, e cila gjithmonë sjell një frymë të re në çdo ambient ku hyn. Bisedat me të janë gjithmonë rreth filmave, muzikës, serialeve televizive dhe çdo gjëje kreative që na vjen në mendje.
Jonida ka përfunduar studimet në regji, por ajo ka qenë gjithmonë prezente në ekranet televizive, duke moderuar emisione në Shqipëri, duke intervistuar njerëz argëtues dhe të famshëm në programin vetanak; duke luajtur në filma artistikë (nga “Virgjëresha Shqiptare” te “Dera e Hapur” e nominuar për Oscar); duke interpretuar një personazh të ashpër tragjikomik në “Kujtimi i Ujit” (komedia bashkëkohore e shkruar nga dramaturgja angleze Shelagh Stephenson).
Në vitet e fundit, Jonida është bërë një figurë e përditshme në të gjitha mediat dhe rrjetet sociale me rolin e saj si moderatore e VIP Big Brother në Kosovë. U përpoqëm shumë të mos e pyesnim për BB, sepse ajo ka aq shumë për të thënë për shumë gjëra të tjera.
Kështu që, ja ku është intervista jonë TenTen me Jonidën.
Ke luajtur në TV, teatër, filma, dhe ke kanale të njohura në mediat sociale. Cila është një gjë që do të doje me të vërtetë të bëje profesionalisht në të ardhmen?
Sinqerisht, do të doja – dhe po punoj shumë drejt kësaj – të jem pjesë e një projekti të madh filmi që mund të arrijë festivale të kategorisë A si Cannes dhe Venecia. Është ëndrra e të gjithë aktorëve.
Cili është një film, libër ose pjesë muzikore që të ka ndikuar shumë në vitet formuese?
Sonata e Hënës nga Beethoven-i, një kryevepër që më ka dhënë energji të shkëlqyera në momente të ndryshme dhe domethënëse të jetës sime. Më jep një efekt qetësues dhe më bën të mos mendoj shumë ose të mendoj pozitivisht.
Cili është gjëja e fundit që ke parë në TV ose kinema?
Oh, sapo pashë “Joker: Folie A Deux”. Pak e mbivlerësuar, duhet të them, por më pëlqeu mjaftueshëm.