Deputetja e PDK-së, Blerta Deliu, ka thënë se Dita e Çlirimit të Skenderajt, 18 qershori, kthen në kujtesë sakrificën e të gjithë atyre që dhanë shumë për Lirinë e Kosovës.
Në nderim të kësaj dite, Deliu ka bërë të ditur se palestra sportive në Skenderaj do të bartë emrin e komandantit të UÇK-së, Ilaz Kodra, derisa në nderim të jetës dhe veprës së dr. Fatmir Fazliut, në oborrin e QKMF—së, u zbulua busti i tij.
Postimi i plotë:
Dita e Çlirimit të Skënderajt -18 Qershori, na kthen në kujtesë sakrificën e pashoq të të gjithë atyre që dhanë shumë për Lirinë e Kosovës.
Përjetësisht falënderues ndaj dëshmorëve, martirëve dhe ushtarëve të Ushtrisë Çlirimtare të Kosovës për gjithçka që dhanë nga vetja e tyre.
Në nderim të kësaj dite, palestra sportive në Skënderaj do të bartë emrin e komandantit të shquar të UÇK-së, Ilaz Kodra.
Ndërsa në nderim të jetës dhe veprës së dr.Fatmir Fazliut, në oborrin e QKMF-së, u zbulua busti i tij.
Urime të përzemërta për të gjithë qytetarët e Skenderajt, Dita e Çlirimit!
