Analisti Ilir Deda thotë se hapja ose jo e urës së Ibrit në Mitrovicë varet nga ajo se çka vendos NATO.
Në Rubikon të Klan Kosovës ai shprehet se nëse NATO thotë se nuk janë pjekur kushtet për t’u hapur ura për vetura, ajo nuk do të hapet, pa marrë parasysh se çka thonë analistët, qeveria, opozita apo të tjerët.
“Sovraniteti i sigurisë ndahet me NATO-n, pra Kosova nuk e ka 100 përqind sovranitetin në këtë fushë, por e ka bashkë me NATO-n, e NATO nuk i nënshtrohet veprimeve të Qeverisë së Kosovës. Vendimet e Qeverisë së Kosovës nuk janë të aplikueshme për NATO-n”, deklaroi Deda.