Pavarësisht se në Marrëveshjen e Ohrit të nënshkruar në mars të këtij viti, në një prej neneve thuhet se Kosova dhe Serbia s’duhet ta pengojnë njëra-tjetrën në rrugën drejt integrimit, Serbia vazhdon ta bëjë të kundërtën duke shkelur kështu marrëveshjen.
Kreu i diplomacisë serbe, Ivica Daçiq, ka pritur sot në takim lamtumirës shefin e zyrës së Këshillit të Evropës në Beograd, Tobias Flessenkeper, të cilit ia ka shprehur “papranueshmërinë e kërkesës së Kosovës”, për anëtarësim në Këshillin e Evropës.
“Asnjëra palë nuk do të bllokojë, as nuk do të inkurajojë të tjerët të bllokojnë, përparimin e palës tjetër në rrugën e tyre përkatëse në BE bazuar në meritat e tyre. Të dyja palët do të respektojnë vlerat e referuara në nenet 2 dhe 21 të Traktatit të Bashkimit Evropian.”, thuhet në Nenin 5 të marrëveshjes.
At a farewell meeting w/ the Head of @coe Office in Belgrade, DPM/FM #Dacic thanked @tobifle for everything achieved during his mandate in #Serbia. FM used the opportunity to repeat our views on the inadmissibility of request of the so-called "Kosovo" for membership in the #CoE. pic.twitter.com/dWfFOjOnhH
— MFA Serbia 🇷🇸 (@MFASerbia) August 26, 2023