Manchester City ka realizuar fitore të lehtë ndaj Evertonit me rezultat 2-0, në kuadër të xhiros së 24-të në Premier League.
Pjesën e parë e dominoi në tërësi City, por që nuk mjaftoi për të gjetur rrugën e golit.
Në pjesën e dytë, Qytetarët shënuan me anë të Erling Haaland, në minutën e 71′, pas një asistimi nga Nathan Ake.
Haaland shënoi edhe njëherë në minutën e 85′, për ta vulosur fitoren e Cityt. Në këtë aksion u shërbye mirë nga Kevin de Bruyne.
City pas fitores kalon në vendin e parë përkohësisht me 52 pikë të grumbulluara, me dy pikë më shumë se Liverpooli.