Juventusi po e konsideron seriozisht transferimin e sulmuesit shqiptar, Armando Broja nga Chelsea, me këta të fundit që e konsiderojnë si të panevojshëm në skuadër dhe janë duke kërkuar për blerës.
Zonja e Vjetër e ka vendosur në listën e transferimeve sulmuesin 30-vjeçar polak, Arkadiusz Milik, këtë verë, pasi ata kërkojnë të rigjallërojn skuadrën nën drejtimin e trajnerit të ri Thiago Motta. Drejtori sportiv Cristiano Giuntoli është i prirur të zvogëlojë pagat e lojtarit prej 3.5 milionë eurosh për sezon.
Broja nuk është pjesë e projektit të ri të Enzo Maresca në Chelsea dhe klubi është i prirur të gjejë një blerës për sulmuesin në javët e ardhshme, duke preferuar një transferim përfundimtar sesa një marrëveshje huazimi. Aktualisht nuk ka oferta konkrete për 22-vjeçarin, duke e lënë në dyshime të ardhmen e tij.
Gazzetta dello Sport tregon se si Juventusi ka filluar të mendojë për të bërë një lëvizje për Brojën në ditët në vijim, të etur për të gjetur një zëvendësues të besueshëm për Milik në skuadrën e re të Mottas.
Zonja e Vjetër po mendon të propozojë një marrëveshje huazimi me një opsion blerjeje të bashkangjitur, duke shpresuar se mungesa e konkurrencës do t’i bëjë londinezët më të hapur ndaj këtij stili marrëveshjeje.