Elon Musk ka kohë që synon të dërgojë njerëz në planetin Mars me raketën Starship – dhe kjo presidencë mund ta ndihmojë ta arrijë këtë.
Miliarderi i teknologjisë dhuroi më shumë se 119 milionë dollarë për ta ndihmuar republikanin të fitonte presidencën dhe e mbështeti fuqishëm republikanin përmes platformës së mediave sociale X.
Në këmbim, Trump veçoi Muskun në fjalimin e fitores, duke shpenzuar disa minuta për ta lavdëruar kompaninë e Muskut, Space X, shkruan bbc.
Trump ka thënë se në një mandat të dytë, ai do të ftojë manjatin e teknologjisë në administratën e tij.
“Së paku, ne do të marrim një plan më realist të Marsit, ju do të shihni Marsin duke u vendosur si një objektiv”, tha Doug Loverro, konsulent i industrisë hapësinore që dikur drejtonte njësinë e eksplorimit njerëzor të NASA-s nën administratën Trump.
SpaceX, Musk apo ekipi Trumpit nuk e kanë komentuar ende këtë dhe një zëdhënës i NASA-s ka thënë se “nuk do të ishte e përshtatshme të spekulohej për ndonjë ndryshim me administratën e re”.