Përfaqësuesi i Lartë i BE-së, Josep Borrell thotë se industria evropiane e mbrojtjes duhet të rritet. Ai thotë se Evropa duhet të ketë një strategji më specifike që Ukraina të fitojë.
“Unë kthehem nga Ukraina ku njerëzit po rezistojnë, por kanë nevojë për ndihmën tonë, ne duhet të bindim të gjitha vendet anëtare të BE-së të rrisin furnizimin me armë dhe të zhvillojnë bazën tonë industriale në sektorin e mbrojtjes. Industria jonë e mbrojtjes duhet të forcohet më shpejt, prandaj ne do të paraqesim një strategji të re specifike dhe do të koordinojmë me partnerët sot për të siguruar që Ukraina të fitojë,” u shpreh Borrell.