Mbrojtësi Leonardo Bonucci me shumë gjasë do të jetë pjesë e skuadrës së Romës për pjesën e mbetur të këtij edicioni.
“Calciomercato” ka njoftuar n se Bonucci ka arritur marrëveshje personale me Romën dhe po negocion me Union Berlinin për shkëputjen e kontratës.
Bonucci ka kërkuar largimin nga Union Berlini pas vetëm gjashtë muajve në Gjermani për shkak se nuk është i kënaqur me trajtimin e tij.
Ai ka regjistruar vetëm 10 paraqitje këtë edicion, ndërsa ka shënuar edhe një gol në Bundesligë me fanellën e Union Berlinit.
36-vjeçari ka kontratë me ekipin gjerman deri në fund të këtij edicioni, ndërsa te Roma po shihet si përforcim i duhur për mbrojtjen.