Policia e Kosovës ka njoftuar se sot në rrugën magjistrale Kaçanik – Hani i Elezit ka ndodhur një aksident trafiku me fatalitet.
Zëdhënësi i Policisë së Kosovës për rajonin e Ferizajt, Kanun Veseli, ka dhënë detaje për rastin.
Ai ka bërë me dije se si pasoj e humbjes se kontrollit të shoferit mbi automjetin, vetura ka rënë në një humnerë.
Ai ka treguar se në këtë aksident ka humbur jetën një grua.
“Ju njoftojmë se me datën 29.11.2024 rreth orës 07:30 kemi pranuar një informatë se në rrugën magjistrale Kaçanik-Hani Elezit, tek vendi i quajtur “Kulla me qeshmë” , ka ndodhur një aksident komunikacioni rrugor, ku është përfshirë një veturë. Ekipe të policisë, zjarrfikësit dhe ambulanca kanë dalë menjëherë në vendin e ngjarjes. Nga hetimet e para mësohet se një veturë Nissan, derisa ka qarkulluar në magjistralen Kaçanik – Hani Elezit, në rrethana ende të pasqaruara ka humbur kontrollin mbi automjet dhe ka dalë jashtë rrugës, duke rënë në humnerë disa metra”, ka thënë Veseli për gazetën Reporteri.