Si pasojë e erërave të forta ka rënë kulmi i objektit të Komunës së Re në lagjen Arbëria në Prishtinë, ku dyshohet se një vajzë është e lënduar.
Lajmin e ka konfirmuar Drejtori i Emergjencës, Naser Syla.
“Sapo është sjellë në Emergjencë”, ka thënë shkurtimisht Syla.
Erërat e forta kanë bërë që pullazi i ndërtesës së Komunës së re të Prishtinës, të bie në tokë.
Një vajzë është lënduar si pasojë e kësaj ngjarjeje, raporton Klan Kosova.
Ekipet e emergjencës kanë dalë në vendin e ngjarjes.
Nga fotografitë e shkrepura nga vendi i ngjarjes, mund të vërehet se rënia e pullazit ka shkaktuar edhe dëme materiale.