Kryeministri i vendit, Albin Kurti, në përurimin e Klinikës Emergjente, ka folur edhe rreth takimit me shefin e CIA-s, Wiliam Burns, ku vizitoi pak ditë më parë Kosovën.
Kurti tha se takimi ka shkuar shumë mirë, gjersa theksoi se është një dëshmi e kujdesit të SHBA-së për sigurinë dhe parandalimin e çfarëdo cenimi të sigurisë në kuadër të marrëveshjes bilaterale.
“Takimi ka shkuar shumë mirë. Natyrisht ne kemi bashkëpunim me SHBA-në dhe CIA-n. Unë e falënderoj shefin e CIA-s, Wiliam Burns, që vizitoi vendin tonë. Kjo është një dëshmi e përkushtimit dhe kujdesit të SHBA-së për sigurinë dhe parandalimin e çfarëdo cenimi të sigurisë në kuadër të marrëveshje bilaterale”, ka thënë Kurti.