Visar Azemi i Lidhjes Demokratike të Kosovës ka reaguar ndaj deklaratës së kryeministrit, Albin Kurti, ku ky i fundit ka thënë se për herë të parë ekonomia e Kosovës ka mbi 400,000 të punësuar aktivë.
Azemi ka shkruar në Facebook, ka pyetur se çka na ka mbetur tjetër, duke përmendur ikjen e të rinjve dhe thirrjet për ata që tashmë kanë emigruar që të kthehen se vendet e punës po i presin.
Tutje ai ka përmendur edhe vajin, duke shtuar se çmimi i tyre do të bie përtokë, vetëm sa ta sjellë ministrja, Rozeta Hajdari nga Polonia.
Postimi i plotë:
Kryeministri Albin Kurti po thotë se për herë të parë ekonomia e Kosovës ka mbi 400,000 të punësuar aktivë.
Çka po mbetet tjetër?
Veç mos me i lanë me ikë jashtë vendit këta mijëra të rinj që po e lëshojnë Kosovën përditë. Besa edhe t’i bëhet thirrje atyre që tashmë kanë emigruar të kthehen se vendet e punës po i presin.
Srandardi i jetesës po rritet. Rrogat në hava. Çmimet po ulen. Sidomos çmimi i vajit do të bie përtokë, veç sa ta sjellë Rozeta prej Polonisë. Çka na duhet më shumë?