Zyrtari i lartë i Lëvizjes Vetëvendosje, Arbër Zaimi, është bërë përrallë, duke treguar një përrallë me Albinin.
Përmes një shkrimi në Facebook, Zaimi ka treguar një përrallë të shpikur prej tij, e që fundi nuk i dihet.
Më poshtë mund ta lexoni shkrimin e tij:
Përrallë?
Na u mblodhën një ditë gjithë shpia. Diskutuan, diskutuan, dhe vendosën me shumicë votash që të dërgojnë në pazar njërin prej tyre, Albinin. Porosia ishte e arsyeshme: “bli sa më lirë e sa më mirë, dhe shit sa më shtrenjtë”.
U nis Albini e shkoi në pazar. Teksa përpiqej të zbatonte porosinë, nga shtëpia vëllezërit e tij filluan të bërtisnin: “shite lirë, shite edhe më lirë, blije shtrenjt mallin e keq, mos e kërko mallin e mirë”. Vazhduan të bërtisnin kështu për një kohë të gjatë, aq sa gjithë pazari filloi të qeshë.
Fundi i përrallës ende s’dihet, shpresojmë sa më mirë për të gjithë.