Firma e investimeve Wedbush zbuloi se Apple po pret rritje të madhe të shitjeve me linjën e re të iPhone 16.
Dhe analistët parashikojnë një kërkesë “monumentale” dhe një “cikël masiv përmirësimi” të drejtuar nga AI (Apple Intelligence).
Firma thuhet se i bazoi parashikimet e saj në kontrollet e zinxhirit të saj të furnizimit në Azi.
Ajo deklaroi se Kina ka parë tremujorin e saj të fundit negativ të rritjes për iPhone.
Por një kthesë do të mund të shihet në shtator kur do të lansohen pajisjet e reja iPhone 16.
Wedbush zbuloi gjithashtu se nëse Apple zbaton veçoritë e saj të AI në të gjitha 2.2 miliardë pajisjet aktive, do t’i shtynte zhvilluesit e AI të ndiqnin të njëjtin model integrimi që Apple njoftoi me ChatGPT të OpenAI.
Dhe kompanitë e tjera që do t’i bashkohen kësaj rruge do të krijonin një “fluks të ardhurash të shumëfishta të AI” – që do të shtonte 10 miliardë dollarë në rritje vjetore për Apple.
Mundësitë e papërcaktuara të fitimit të parave që do të rrisnin si shërbimet e Apple ashtu edhe shitjet e pajisjeve, do të rrisnin gjithashtu çmimin e aksioneve të kompanisë.