Trajneri i Real Madridit Carlo Ancelotti i ka quajtur thjesht spekulime raportimet për largimin e Vinicius Juniorit në Arabinë Saudite, derisa deklaroi se Kylian Mbappe është gati për Superkupën e Evropës.
“Los Blnacos” pasi fituan titullin e kampionit të Evropës do të përballen me Atalantan të mërkurën, skuadër kjo e fitoi Ligën e Evropës.
Në konferencë për shtyp, Ancelotti komentoi përballjen e ardhshme si dhe mohoi largimin e Viniciusit.
“Vinicius? Nuk ka asgjë. Janë thjesht spekulime të merkatos”.
“Mbappe? Po ia dalim mirë, Mbappe gjithashtu dhe mund të jetë nga minuta e parë njësoi si të gjithë të tjerët. Të gjithë mund të luajnë edhe pse s’kemi pasur shumë kohë. Po adaptohet shpejtë, është i fokusuar, ka treguar kualitet të pabesueshëm”.
“Atmosfera në dhomën e zhveshjes? Është shumë e shëndetshme, qetë, andaj duam të arrijmë shumë këtë sezon. Nuk ka princër apo mbretër në grup”.
Ndërkohë, përballja mes Realit dhe Atalantas do të zhvillohet sot me fillim nga ora 21:00.