Ambasdori i Algjerisë në Serbi, Fatah Mahraz, është lëshuar në komente për punë që s’janë të tij, duke kërkuar që Kosova të themelojë Asociacionin e Komunave të banuara me shumicë serbe dhe duke i qëndruar pozicionin të Serbisë për të ashtuquajturin “integritet territorial të Serbisë” që supozon edhe Kosovën si “pjesë të saj”.
“Është e vërtetë se gjatë rishikimit të situatës në Kosovë në fillim të vitit, pas vendimit të njëanshëm të autoriteteve të Prishtinës për të imponuar përdorimin e euros në zonat me shumicë serbe, mbështetja jonë u bazua në arsye objektive, ndër të cilat domosdoshmëria për të rikthyer besimin e dy palëve vazhdimi i dialogut me ndërmjetësimin e BE-së, për të shmangur një përshkallëzim që mund të çojë në tensione ndëretnike, si dhe rëndësia e krijimit të Asociacionit, si e paraparë me Marrëveshjen e Brukselit të vitit 2013”, tha Mahraz.