Ministri i Infrastrukturës, Liburn Aliu ka thënë se punimet në rrugën Prishtinë – Podujevë po avancojnë, duke e quajtur një ndër projektet me të rëndësishme në vend.
Aliu së bashku me zëvendësin e tij, Hysen Durmishin kanë dal sot duke shikuar punimet.
Aliu gjithashtu ka thënë se punimet po vazhdojnë me intensitet të shtuar.
“Po avancojnë punimet në një prej projekteve më të rëndësishme infrastrukturore në vend. Tani që është rritur fluksi i qarkullimit të automjeteve në sezonën e verës, punimet për ndërtimin e aksit rrugor Prishtinë-Podujevë, po vijojnë me intensitet të shtuar, për të lehtësuar qarkullimin e automjeteve e për të rritur sigurinë rrugore.” – ka shkruar ministri i Infrastrukturës.