Kryetari i Gjilanit, Alban Hyseni e ka shkarkuar nga pozita e drejtoreshës së arsimit, Selvete Sylejmanin.
Lajmin për Klan Kosovën e ka konfirmuar Hyseni.
Besohet se Sylejmani është shkarkuar për shkak të nepotizimit.
Nepotizmi në drejtorinë e arsimit në Gjilan është denoncuar javë më parë edhe nga deputetja e LDK-së, Valentina Bunjaku.
Sipas saj, qeverisja lokale në Gjilan nga Vetëvendosja për pak muaj tregoi fytyrën e vet të vërtetë në qeverisjen lokale edhe në arsim.
Ajo shkroi se drejtoresha e Arsimit, Selvete Sylejmani e ka punësuar motrën e vet në çerdhe.
Po ashtu, deputeti i LVV-së, Luan Aliu sipas Bunjakut, e ka rehatuar bashkëshorten dhe “balltëzkën” në Komunën e Gjilanit.
“Militanti i LVV-së, bashkëshorten. Nepotizëm dhe militantizëm në arsim, për kohë aq të shkurtër. Ky është veç fillimi”, kishte shkruar ajo në një postim në Facebook.
