Manchester City mund të tentojë transferimin e Bruno Guimaraes të Newcastle United për të zgjidhur problemet e tyre në mesfushë dhe tashmë çmimi i tij është zbuluar.
27-vjeçari është njëri prej lojtarëve kryesor të Eddie Howe, pasi ka luajtur 15 ndeshje në Ligën Premier deri më tani.
Guimaraes është një lojtar i cili pëlqehet shumë nga tifozët e klubit dhe është një simbol i progresit që ka bërë klubi duke marrë parasysh faktin që ai ishte transferimi i parë i madh nën regjimin e pronarëve të ri.
Ai u bë pjesë e Newcastle në janar të vitit 2022 për shumën e 33 milionë eurove plus 6.5 milionë të tjera shtesa.
Reprezentuesi brazilian është padyshim njëri prej lojtarëve më të vlefshëm të ekipit dhe ai ishte konsideruar nga City gjatë afatit kalimtar veror, por ishte shumë i shtrenjtë gjatë asaj kohe.
Që prej atëherë, fituesi i Topit të Artë, Rodri, pësoi një lëndim të rëndë duke këputur ligamentin ACL.
Guimaraes mund të shënojë, të asistojë dhe të bëjë ‘lojën e pistë’ kur është nevoja, sidoqoftë një mesfushor kaq i kompletuar nuk do të jetë i lirë.
Sipas The Athletic, Newcastle mund ta lejojë atë që të largohet për shumën e 80 milionë eurove gjatë afatit kalimtar të janarit.