Agjencia e njohur e lajmeve, “Associated Press”, që ka traditë të gjatë në shpalljen e fituesve të zgjedhjeve në ShBA, e ka shpallur të mbyllur garën në njërin prej shteteve kyçe, Georgia, duke raportuar se atje ka fituar kandidati republikan për president, Donald Trump.
Presidenti aktual, Joe Biden, kishte fituar në Georgia me epërsi të ngushtë më 2020, raporton agjencia “Associated Press”.
Trumpi ishte munduar që ta përmbyste humbjen e tij në Georgia, duke nisur një betejë politike e ligjore që çoi në ngritjen e aktakuzës kundër tij në atë shtet.
Agjencia AP raporton se republikanët kanë fituar edhe në Karolinën e Veriut, shtet tjetër kyç në garën e ngushtë për president./