Këngëtarja e “Easy On Me” e quajti të dashurin e saj prej dy vitesh, Rich Paul, “burrin” e saj ndërsa ishte në skenë në Las Vegas.
“Nuk mund të martohesh me mua. Nuk jam homoseksuale, dashuria ime dhe burri im është këtu sonte”, i tha fituesja e “Grammy”-t, 35 vjeçe, një fanses në audiencë.
Kur fansaja u përgjigj: “A mund ta provoni?” Këngëtarja me shaka u përgjigj: “Jo, nuk dua të provoj. Unë jam me Richin. Je e çmendur, më lër të qetë”.
Videoja u bë virale në TikTok dhe mori reagime të shumta nga fansat duke aluduar se ajo tashmë mund të ishte martuar.
Adele dhe agjenti sportiv dolën publikisht me romancën e tyre në korrik 2021, kur u fotografuan të ulur së bashku në një ndeshje basketbolli NBA.
Në atë kohë, një burim i afërt me çiftin i tha Page Six se ata ishin “100 për qind” në lidhje.
Ajo foli për Paulin në një intervistë disa muaj më vonë, kur e quajti atë “të pabesueshëm” dhe “zemër të hapur” gjatë një bisede me Rolling Stone.
Artistja gjithashtu vuri në dukje se marrëdhënia e tyre ishte romanca “më e lehtë” që ajo ka përjetuar ndonjëherë.
Një vit më pas, ylli i “Rumour Has It” filloi të mbante një unazë diamanti në gishtin e saj të martesës.
Kur u pyet nëse agjenti i LeBron James e kishte i kishte propozuar, ajo sqaroi në një intervistë të gushtit 2022 me Elle se ata “nuk” ishin të fejuar, duke vënë në dukje: “Unë thjesht i dua bizhuteritë e rënda”.