Kreu i LDK-së, Lumir Abdixhiku, tha se “Puna e madhe me mërgatë, për tre vite rresht, reforma e brendshme, programi politik e konsistenca në qëndrime shtetare, ka rikthyer besimin me Lidhjen në origjinë” pas një tubimi me bashkatdhetarët para Selisë Qendrore të Lidhjes Demokratike.
Postimi i plotë:
Mes bashkatdhetarëve tanë, pranë Selisë Qendrore të Lidhjes Demokratike, në takimin e përvjetshëm tashmë. Kjo shtëpi e madhe e demokracisë është tani e hapur për secilin bashkatdhetarë që frymon djathtë!
Puna e madhe me mërgatë, për tre vite rresht, reforma e brendshme, programi politik e konsistenca në qëndrime shtetare, ka rikthyer besimin me Lidhjen në origjinë! Prandaj dhe këtë vit, takimi ynë ishte përplot entuziazëm, përkushtim e bindje për përbashkimin e djathtë si shpëtim i Republikës. Mbi të gjitha, përplot vullnet e gatishmëri për mobilizim zgjedhor. Vit i ri, Rrugë e Re, Qeveri e Re!
Ju faleminderit secilit që nderuat këtë takim!
Le të bëhemi bashkë! Le të ringritemi si një!