Dragan Shormaz, një ish-aleat i presidentit serb, në Info Magazine të Klan Kosovës është pyetur se a kishte biseda mes Aleksandar Vuçiq dhe Milan Radoiçiq, kriminelin dhe kryesuesin e grupit që kreu agresionin në Banjskë në shtator të vitit 2023.
Në Info Magazine të Klan Kosovës, ai ka pohuar se vazhdimisht shfaq informacionet që i ka lidhur me rastin në Banjskë, njofton Klankosova.tv
“Kam njohuri të plota rreth rastit Banjska, se çka i parapriu kësaj e si erdhi deri te kjo. Askush nuk reagon për fjalët e mia, as Vuçiq, të gjithë heshtin. Këto janë kontaktet e mia nga jashtë, dhe për këtë nuk mund të flas, e as që ka nevojë për një gjë të tillë. Unë nuk mund të jem dëshmitar në gjyq, dhe si politikan I shfaqi informacionet që i kam”, ka thënë Shormaz.