Njeri nga drejtuesit e UÇK-së, Adem Grabovci, ka shkruar në Facebook një status për 4-vjetorin e dërgimit në Hagë të Hashim Thaçit, Kadri Veselit, Rexhep Selimit dhe Jakup Krasniqit.
Me këtë rast, Grabovci ka kujtuar disa momente nga lufta çlirimtare.
Ai është shprehur i bindur në pafajësinë e tyre duke thënë “Dielli do të lind përsëri”.
“Kur po bëhen 4 vite që nga konfirmimi i aktakuzave të padrejta ndaj shokëve tanë, nga Gjykata Speciale me seli në Hagë, i kujtojë Hashimin, Kadriun, Bacin Jakup e Rexhën. Kur e nisëm rrugën për çlirimin e vendit, asnjëherë nuk menduam për jetët tona. Nuk i menduam as arrestimet, torturat e flijimet e familjarëve tanë. Po, lehtë kami mundur që të mos jemi më, por i kishim qëllimet e qarta: Liri, Pavarësi dhe Shtetndërtim. Ia dolëm…. 💪🙏🏼 Sot, dikush ende po i vuan pasojat e angazhimit të atyre ditëve fisnike, por prapë DO TRIUMFOJMË! 🙌🙌🙌 JU BETOHEM, DIELLI SHPEJTË DO TË LIND PËRSËRI! 🌞”, ka shkruar Grabovci.