Shkenca ka zbuluar se ka një sërë aspektesh, shumë prej të cilave kalojnë pa u vënë re dhe që e bëjnë një person më tërheqës. Ne kemi përpiluar një listë të tyre dhe i gjeni më poshtë.
Si të jesh më tërheqës është një temë që u intereson të gjithëve.Edhe pse çdo person ka aspekte goditëse dhe veçoritë e tij, ka edhe disa faktorë që janë më vendimtarë për joshjen.
Jo gjithmonë një grua e bukur apo një burrë shumë i pashëm janë të suksesshëm me prezencën e tyre. Vetëm pamja fizike e bukur ndonjëherë nuk është tërheqja kryesore e vëmendjes. Në vend të kësaj, ka detaje të tjera delikate për të qenë më tërheqës para të tjerëve.
Tema e të qenit më tërheqës kalon si në planin fizik, ashtu edhe në gjestet dhe qëndrimin trupor. Ata që i dinë çelësat e çështjes mund të jenë shumë të suksesshëm, edhe pa qenë Adonis apo Helena e Trojës. Çfarë duhet marrë parasysh? Ne do t’ju tregojmë menjëherë.
“Bukuria është subjektive. Ndonjëherë atraktiviteti i një personi nuk bazohet në pamjen e tij, por në mënyrën se si ai ju bën të qeshni ose se si ai është në gjendje të lexojë mendjen tuaj.” – Kiera Cass
Dhëmbët, një nga detajet për të qenë më tërheqës Zbatohet si për burrat dhe për gratë: dhëmbët e bardhë dhe me proporcion të mirë janë një nga detajet për të qenë më tërheqës. Kjo u konkludua nga një studim i kryer së bashku nga universitetet e Leeds dhe Central Lancashire.
Mjekra
Edhe pse mjekra është një modë për meshkuj që vjen dhe shkon, e vërteta është se një studim nga Universiteti i Uellsit Jugor, Australi, vuri në dukje se femrat priren të tërhiqen më shumë nga meshkujt që kanë mjekër.
Një mbresë në fytyrë
Universiteti i Liverpool-it bëri një studim të gjerë që gjeti prova në favor të një hipoteze befasuese për shumë njerëz: shumë gra tërhiqen nga burrat që kanë një shenjë apo plagë në fytyrë. Kjo është më e dukshme edhe tek ata që kërkojnë një lidhje afatshkurtër.
Buzëkuq dhe rroba të kuqe
Nëse një grua është tërheqëse për një mashkull, ai do të shikojë më shumë buzët e saj gjatë një bisede. Dhe nëse ajo grua mban buzëkuq të kuq, do të duket më këmbëngulëse dhe më e tërhequr. Nga ana tjetër, të dyja gjinitë duket se janë më tërheqëse për të tjerët kur veshin rroba të kuqe.
Koka lart, mjekra e anuar
Një nga sekretet për të qenë më tërheqës dhe joshës, i zbatueshëm për meshkujt dhe femrat, ka të bëjë me qëndrimin e kokës. Një studim nga Universiteti i Newcastle tregon se një person tërheq më shumë nëse ngre kokën dhe anon mjekrën anash.
Melankolia dhe serioziteti
Sipas një studimi nga Universiteti British Columbia, në Kanada, femrat tërhiqen më shumë nga meshkujt që nuk buzëqeshin aq shumë. Ata preferojnë ata që kanë një shprehje melankolie, shqetësimi ose bezdi.
Buzëqeshja
Një studim tjetër, këtë herë nga Instituti Kombëtar i Shëndetësisë i Shteteve të Bashkuara, doli në përfundimin se për sa i përket buzëqeshjes ka dallime të mëdha mes gjinive. Meshkujt preferojnë femrat që buzëqeshin më shpesh. Një buzëqeshje e thjeshtë ngjall shumë reagime tek ata.
Kontakti me sy
Pothuajse të gjithë preferojnë njerëzit që bëjnë kontakt të drejtpërdrejtë me sy, sepse kjo krijon një ndjenjë më të madhe besueshmërie. Megjithatë, një studim nga Royal Society tregon se shikimi në sy është gjithashtu një mënyrë për të qenë më tërheqës.
Flisni në veshin e djathtë
Hemisfera e majtë e trurit punon me informacionin që merret nga veshi i djathtë. E thënë në shqip dhe drejtpërdrejtë, ajo që i thoni dikujt përmes veshit të djathtë ka më shumë gjasa të gjenerojë qëndrime më pozitive sesa nëse ia thoni me veshin e majtë.
Ecni siç duhet
Të qenit më tërheqës është edhe çështje stili. Hulumtimet shkencore kanë vënë në dukje se femrat preferojnë meshkujt që ecin me njëfarë arrogance. Gjëja kryesore është se ata i mbajnë shpatullat e tyre të larta dhe drejt. Ata nga ana e tyre tërhiqen më shumë kur femrat lëkunden gjatë ecjes.
Altruizmi ngjall dashuri
Përtej të qenit një virtyt i bukur, shkenca ka zbuluar se altruizmi i bën meshkujt më tërheqës. Një studim i kryer në Mbretërinë e Bashkuar tregoi se gratë e shohin një burrë të gatshëm për të ndihmuar të tjerët shumë më tërheqës sesa ata që nuk e bëjnë këtë.
Të relaksuarit janë më tërheqës
Hulumtime të tjera të botuara në revistën Proceedings of the Royal Society B vunë në dukje se burrat që kanë një sjellje më të qetë janë më tërheqës për gratë. Stresi dhe nervozizmi, nga ana tjetër, shumëkujt ua heqin atraktivitetin.
Siç mund ta shihni, ka shumë mënyra për të qenë më tërheqës. Më shumë sesa vetë pamja fizike, ka detaje të vogla që mund të bëjnë diferencën. Sekreti është të dish t’i menaxhosh ato në mënyrë inteligjente.